Apocalypsis B. Joannis*
Caput 6: Versus 12
Sol factus est niger.Id est illi in quibus lucet reputabuntur rei et peccatores claritatem suam se retinentes, vel quia quidam ad tenebras decident. Vel Christus sol verus, et modo clarus, Antichristi tempore erit obscurus, id est nullis miraculis coruscans.Tanquam saccus.Lux in sacco posita extra non lucet, fideles lucem praedicationis non effundent in isto magnae tribulationis die.